من طرف السلام عليكم ورحمة الله وبركاته
وآآآآآآآدي قعده نشرب بقى الشاي مع بعض واللي عاوز شاي يصب بنفسه
محدش غريب المسطبه مسطبتكم .
فاكرين الجمله دي طبعا من زمان ما قلتهاش في المسطبه هنا اقولكم ليه
جيت اقعد هنا شويه على مسطبه ليالي من زمان ما قعدتش عليها
وكمان زي ما انتوا عارفين ان القسم ده بلدي والنبي عربي يعني القسم ده
لاولاد البلد . وانا هتكلم معاكم النهارده في موضوع مهم حبتين
حاكم في كام قسم في المنتدى عليهم زحمه مع ان الصلاه على النبي المنتدى
واسع يعني بس مش عارف ليه مزنقين على نفسنا
المهم ما اطولش عليكم في الكلام قول طول هكلمكم النهارده عن
عن عن ايه يا واثق هتكلمهم عن ايه يا واثق ممممممممممممممممممم
ايون اكلمكم عن فلسطين . لا لا فلسطين اتكلمنا عنها
كتير ومفيش حاجه
بتحصل كل حاجه زي ما هي فلسطين ترتاح يوم وتتعكنن سنه ويتفك الحصار
ساعات وترجع تتحاصر سنين حاجه بقت تقرف وتخنق .
لا لا مش هكلمكم عن فلسطين .
طب اكلمكم عن ثورة مصر ايوه هي ثورة مصر .
لا برضو ثورة مصر ايه اتكلمنا كتير وريقنا نشف من كتر الكلام
واننا لازم ندي فرصه للناس تشتغل وتعمر والامن يرجع يسيطر على الاوضاع
وكفايه وقفات احتجاجيه واعتصامات ومفيش حد سامع
لالالالا مش هكلمكم انا عن ثورة مصر
ايوااااا بس لقيتها هكلمكم عن البرادعي ايوا هو البرادعي.
لا يا واثق برادعي ايه بس اللي هتكلمهم عنه ما الناس عارفه هو مين
وعارفين انه بيجي مصر لما تحصل مصيبه يخش يشعللها زياده ويجري على امريكا
وعاملي فيها شيخ وماشي مع الاخوان المسلمين وبنته ليلى متصوره بمايو
بكيني وهو فرحان بيها وواقف جمها .
لالالالالا الراجل ده انا مش هتكلم عنه واسف في كلمه راجل دي
يبقى تتكلم عن ايه يا واثق تتكلم عن ايه يا واثق
ايوه اخيرا لقيتها اكلمكم عن وحدة الوطن العربي
هههههههههههههههههههه الله يجازي شيطانك يا واثق
هههههههههههههههههههههههههه فين الاتحاد العربي هما العرب اصلا هيتحدوا
ابدا بالوضع اللي هما فيه دول بالكتير لو اتفقوا هيتفقوا انهم
ما يتفقوش . يبقى لا مش هكلمكم انا على الاتحاد العربي علشان
مش هينفع نتكلم فيه.
خلاص بقى اكلمكم عن ليالي عزف الأنامل مدام مفيش
حاجه نتكلم فيها.
لالا ليالي عزف الأنامل ايه بس اللي نتكلم فيه معروف ان الناس هنا
محدش بيتقمص من موضوع ولا بيزعل من رد ولا بيغيب علشان مقموص من حد
ولا حد بيغيب علشان حد غايب ولا حد بيخش المنتدى ويفضل يبص من غير
ما يشارك ولا في حد رخم وغرضه بس يرخم على الناس
لا تمام الوضع في ليالي تمام مش هكلمكم انا عن المنتدى
يبقى اكلمكم في ايه؟ مممممممممممممممممممممممممممممم
بقولكم ايه هرجع اكلمكم تاني برضو في المسطبه لاني من زمان ما دخلتهاش
ولا حد دخلها من فتره .
خليني انا هنا بعيد عن الزحمه على المسطبه كلام بلدي وكلام في سركم
اه بالحق كنت هنسى
كلام في سركم يمكن اكون ظاهر لبعض اللي بيقروا الموضوع اني ما اتكلمتش
في حاجه بس انا تقريبا قلت كل حاجه
ويجعله عامر
» سونيت 95....وليم شكسبير
» كيف تزيد خشوعك في الصلاة؟
» حزن المؤمن ...
» ارجوك تنساني { احلام }
» المكالمة .... هشام الجخ ♥
» الليل ياليلى " وديع الصافي "
» جمعة مباركه ان شاء الله
» (((((((مجرد وقت )))))