من طرف (1)
أمورة راكبة الميكروباص
والكل باصص في المراية بيحلفوا: العين ما شــافت قبلها أبدا حريمْ
البنت زيّ الشــمعة لســـه منورة..الوجه بحر، وفيه مراكب صيادينْ
والوجنتين زيّ الورود البمبي في بداية الربيعْ، والدّقن كبســولةْ أماني مُخدِّرة
... وشــطوط حنان ع الشـِّـفتين ... وإشــارة حمرا مُحذّرة
الحاجب المســنون بيبرُق زيّ ســيف بِنْ زي يزَن
مرفوع على الوجه الحسَــنْ
(2)
الكُل عينُه ع المراية بيبتســمْ
في عيون تشــوفها كأنها سِــكَك الحنينْ، وعيون تشــوفها كأنها وجد وأنينْ
وعيون تشــوفها كأنها أنهار بتتحدَّى العذوبة ف كل شــيءْ
وتعاند الوَجَع اللي بيعافر قلوبنا الحَيرانينْ،
وبترمي ترنيمةْ هواها وسِــحرها،، جوَّه القلوب العطشــانينْ
(3)
معرفش إيه اللي ندَاها لبحرنا،، تِبعَتْ ندَاها لكُل كل التائهينْ
ندّاهه دي وللا ابتســامةْ عُمْر في الليل الحزينْ
لا عرفنا مين فينا هيشـرب من نَداها وللا مين.؟
وللا خلاص نســكُت ونندم ع اللي فات من عُمرنا،، واحنا اللي كنا مرتاحينْ
دلوقتي مين يعرف مكان قلبي اللي من صدري اتخلع
وبسُــرعه غيَّر مطرحُه من نظرتينْ
(4)
بالله عليكي ما تبخلي بنظره كمانْ
يا محسـِّـســانا إنّــنا يا جميلة مُش قدّ المقامْ
وحياة مقام ســيدنا النبي ما تكشــريشْ
وما تبعتيشْ غير ابتســامه حنيِّنه، علشــان كمان حتى المرايه تحبـِّنا
والميكروباص يطلع بســرعة... بفرحتك يفرح، يطيرْ
متعشـِّـمين احنا وكمان مســتنظرينْ
ألا ابتســامتك والنبي،، ســاعة ما كُنتي بتركبي
زرعِتْ غيطان الحُب في قلوب الغلابة الطيبينْ
(5)
أمورة ساكنه ف حيّنا.. أمورة وحياة ربِّـنا
حتى موبايلك بين إيديكي بيعشــقكْ،، بتكلميه ويكلِّمك
عمّالة فيه تتنططي، وتظأطتي، مش ناقص الا تزغرطي
طبْ يا ترى بتقولي إيه...؟،، مين اللي بيقوللك بحبك..؟ قولي.. مين.؟
طب ما احنا برضو ف ميكروباص متجمعينْ
علشــان هواكي وســكتك، ولا يوم نقوللك تعبانين
رايحين ميدانكْ
اللي فيه دم الشــهيد مفروش هناك زي العطورْ
رايحين ميدانك ،، والرايات في أدينا نورْ
رايحين ميدانك ... نتقتل طبعا عشــانكْ
زي ما طول الزمان بنموت في حبك لجل نحفظ لك مكانكْ
وانا لو مكانك ......؟... ههههههه مش هاقولك.....!
ما انتي عارفه انا قصدي إيه.....؟
إطلع يا أُســطى على الميدان.
أمورة راكبة الميكروباص
والكل باصص في المراية بيحلفوا: العين ما شــافت قبلها أبدا حريمْ
البنت زيّ الشــمعة لســـه منورة..الوجه بحر، وفيه مراكب صيادينْ
والوجنتين زيّ الورود البمبي في بداية الربيعْ، والدّقن كبســولةْ أماني مُخدِّرة
... وشــطوط حنان ع الشـِّـفتين ... وإشــارة حمرا مُحذّرة
الحاجب المســنون بيبرُق زيّ ســيف بِنْ زي يزَن
مرفوع على الوجه الحسَــنْ
(2)
الكُل عينُه ع المراية بيبتســمْ
في عيون تشــوفها كأنها سِــكَك الحنينْ، وعيون تشــوفها كأنها وجد وأنينْ
وعيون تشــوفها كأنها أنهار بتتحدَّى العذوبة ف كل شــيءْ
وتعاند الوَجَع اللي بيعافر قلوبنا الحَيرانينْ،
وبترمي ترنيمةْ هواها وسِــحرها،، جوَّه القلوب العطشــانينْ
(3)
معرفش إيه اللي ندَاها لبحرنا،، تِبعَتْ ندَاها لكُل كل التائهينْ
ندّاهه دي وللا ابتســامةْ عُمْر في الليل الحزينْ
لا عرفنا مين فينا هيشـرب من نَداها وللا مين.؟
وللا خلاص نســكُت ونندم ع اللي فات من عُمرنا،، واحنا اللي كنا مرتاحينْ
دلوقتي مين يعرف مكان قلبي اللي من صدري اتخلع
وبسُــرعه غيَّر مطرحُه من نظرتينْ
(4)
بالله عليكي ما تبخلي بنظره كمانْ
يا محسـِّـســانا إنّــنا يا جميلة مُش قدّ المقامْ
وحياة مقام ســيدنا النبي ما تكشــريشْ
وما تبعتيشْ غير ابتســامه حنيِّنه، علشــان كمان حتى المرايه تحبـِّنا
والميكروباص يطلع بســرعة... بفرحتك يفرح، يطيرْ
متعشـِّـمين احنا وكمان مســتنظرينْ
ألا ابتســامتك والنبي،، ســاعة ما كُنتي بتركبي
زرعِتْ غيطان الحُب في قلوب الغلابة الطيبينْ
(5)
أمورة ساكنه ف حيّنا.. أمورة وحياة ربِّـنا
حتى موبايلك بين إيديكي بيعشــقكْ،، بتكلميه ويكلِّمك
عمّالة فيه تتنططي، وتظأطتي، مش ناقص الا تزغرطي
طبْ يا ترى بتقولي إيه...؟،، مين اللي بيقوللك بحبك..؟ قولي.. مين.؟
طب ما احنا برضو ف ميكروباص متجمعينْ
علشــان هواكي وســكتك، ولا يوم نقوللك تعبانين
رايحين ميدانكْ
اللي فيه دم الشــهيد مفروش هناك زي العطورْ
رايحين ميدانك ،، والرايات في أدينا نورْ
رايحين ميدانك ... نتقتل طبعا عشــانكْ
زي ما طول الزمان بنموت في حبك لجل نحفظ لك مكانكْ
وانا لو مكانك ......؟... ههههههه مش هاقولك.....!
ما انتي عارفه انا قصدي إيه.....؟
إطلع يا أُســطى على الميدان.
» سونيت 95....وليم شكسبير
» كيف تزيد خشوعك في الصلاة؟
» حزن المؤمن ...
» ارجوك تنساني { احلام }
» المكالمة .... هشام الجخ ♥
» الليل ياليلى " وديع الصافي "
» جمعة مباركه ان شاء الله
» (((((((مجرد وقت )))))